VERBUND DO TË NDËRTOJË HIDROCENTRALIN E ASHTES DERI NË 2012
Verbund, kompania kryesuese e energjisë elektrike në Austri dhe prirëse
ndër furnizuesit më të mirë të energjisë elektrike në Evropë, po
ndërton një risi botërore në Shqipëri:
Impjantin më të madh Matriks, duke përdorur turbina të vogla të tipit Straflo- Matriks.
Deri në 2012, kompania e projektit “Energji Ashta” do të ndërtojë një
Hidrocentral në veri të Shqipërisë, në afërsi të Shkodrës, qytetit të
katërt për nga madhësisa në vend. Gjatë proçesit, masa novatore do të
merren mbi lumin Drin: teknoligjia Straflo-Matrix (një turbinë e vogël
në përmasën e një kabine telefonike) mundëson një përdorim veçanërisht
të dobishëm të “arit të bardhë”. Në të ardhmen, 230 milion kW/orë
elektricitet do të prodhohet në Ashtë, në këtë mënyrë 100.000 ekonomi
shtëpiake shqiptare do të furnizohen me energji elektrike.
Hidrocentrali i ri është më shumë se i mirëpritur: HEC-i i Ashtës do të
përcjellë elektricitet për më teper se 100,000 shtëpi, kriojon vende të
reja pune dhe jep një frymëmarrje pozitive për rrethin dhe vendin.
Energjia është një temë e nxehtë për Shqipërine dhe ndërtimi i këtij
HEC-i do të rrisë sigurinë e furnizimit në sistemin elektro-energjitik
Shqiptar, do të reduktojë sasinë e importeve të energjisë nga jashtë
dhe ka vetëm ndikime të moderuara mbi natyrën. Ndikimi ambjentalist i
projektit është thuajse i papërfillshëm, sidomos që kur HEC-et nuk
prodhojnë më mbetje anësore. Në përfundim të 35 viteve periudhë
konçesioni, HEC-i do t’i dorëzohet sërisht Republikës Shqiptare.
Hidrocentrali i Ashtës përbëhet nga dy pjesë: energjia elektriktrike do
të gjenerohet fillimisht në Ashta 1, ku rezervuari i Spathara me digën
e tij rrjedhëse dhe sistemin e vogël të vaditjes, ka qënë ngritur tre
dekada më parë në shërbim të industrisë bujqësore. Gjer në 560 m3 ujë
për sekondë - dhe këtu çështja fillon të behet më e nxehtë – furnizojnë
turbina jo të zakonshme, por 45 turbina Straflo- Matriks.
Në vend të një turbine të madhe, kjo risi teknologjike vë në punë disa
turbina të vogla. Si rrjedhojë është e mundur të përdoren rryma të ulta
duke përftuar një efiçencë më të lartë. Turbinat e tipit Straflo-
Matriks, për HPP-të e Ashtës, do të dorëzohen nga Andriz-Hydro (më parë
i njohur si VA Tech Hydro), dhe janë kështu një produkt austriak, me
përfitimin shtesë të kohës së përshkurtuar të ndërtimit.
Sidoqoftë një HEC i vetëm nuk mjafton: kështu në kemi menduar që
energjia të prodhohet për një herë të dytë, pas një kanali shtatë
kilometra të gjatë, të shtrire ultët përkrah fshatit të vogël Ashta,
zonë e komunës së Bushatit. Serisht 45 turbina Straflo-Matriks do të
vendosen në përdorim.
Kapaciteti i plotë i dy impjanteve (Ashta I dhe Ashta II) me 90 turbina
Straflo-Matriks gjenerojnë 48.2 megavat; 230 milion kilovat orë do të
gjenerohen çdo vit. Kjo sasi është e barasvlefshme me energjinë e
nevojshme për 100,000 ekonomi shtëpiake shqiptare.
Fillimi i ndërtimit për impjantin e mësipërm është programuar në fund
të 2009-ës; Ashta II duhet të pasojë në 2012: më shume se 160 milion
euro do të investohen. Nga 2011 ose 2012 elektriciteti i gjeneruar në
këto impjante do të ushqehet në rrjetin 110 kV të Shqipërise dhe do të
furnizojë fillimisht zonën rreth Shkodrës, qytetit të katërt më të madh
në vend.
Për 15 vjet, energjia elektrike e prodhuar në Ashta do të blihet
tërësisht nga Korporata Elektroenergjitike Shqiptare (KESH), furnizuesi
shtetëror shqiptar i energjise elektrike. Më pas, kontrata ose do të
shtyhet ose energjia elektrike do të shitet lirshëm në treg.
|
Hyrje 
21°C 
Cross Border Institution Building
