NENSHKRUHET PROTOKOLLI I BASHKEPUNIMIT SHKODER-MOLISE
Ditën e Hënë me datë 23 Nëntor 2009, erdhi për vizitë në Shkoder Presidenti i Rajonit të Molises z. Michele IORIO, në krye të një delegacioni të përbëre nga zyrtare të Rajonit të Molises dhe agjensi zhvillimi dhe hartimi projektesh. Kjo vizitë u realizua në kuadër te interesit reciprok për thellimin e lidhjeve miqësore ekzistuese dhe vullnetin e tyre për të bashkëpunuar në fushat me interes të përbashkët në veprimtari me karakter social, kulturor, tregtar, turistik, shëndetësor dhe në shkëmbim informacionesh.
Duke pasur parasysh faktin se rajonet janë burime të rëndësishme dhe
mund të kontribuojnë në mënyre domethënëse në integrimin evropian, duke
realizuar forma të ndryshme bashkëpunimi, është e rëndësishme qe
forcimi i bashkëpunimit mes autoriteteve rajonale të Adriatikut mund të
kontribuojë në promovimin e paqes, të stabilitetit dhe prosperitetit
mbarë Evropën, dhe në veçanti në vendet e Ballkanit Perëndimor.
Qarku i Shkodrës dhe Rajoni i Molises kanë marrë pjesë nga fillimi në
lindjen dhe zhvillimin e EuroRajonit Adriatik, duke operuar ndjeshëm në
efektshmërinë e tij të plotë me objektivat e përbashkët që kanë për
qëllim promovimin e tregtisë, investimeve dhe realizimin e iniciativave
për krijimin, konsolidimin dhe zhvillimin e raporteve të bashkëpunimit
në sektorët ekonomik të ndërmarrjeve të mesme e të vogla, të tregtisë,
të kulturës dhe turizmit; në përputhje të plotë me ligjet e
legjislacionet në fuqi në vendet përkatëse;
Kryetari i Këshillit të Qarkut Shkoder dhe Presidenti i Rajonit të
Molises nënshkruan një marrëveshje në të cilën parashikohet që:
Palët do të bashkëpunojnë në sektorin e veprimtarive me karakter
social, kulturor, prodhues, tregtar, turistik, shëndetësor dhe të
shkëmbimit të informacioneve.
Palët do ti kushtojnë vëmendje të veçantë problematikave të zhvillimit
tregtar dhe mbështetjes së ndërmarrjeve të vogla e të mesme, duke i
dhëne rëndësi të veçantë sektorëve të mbrojtjes së territorit, të
formimit profesional, të telekomunikacionit dhe të sektorit
shkencor-teknologjik.
Palët marrin përsipër shpërndarjen dhe promovimin e këtij protokolli,
të mundësive që ai parashikon, me qëllim rritjen e efektshmerise së
tij, duke favorizuar pjesëmarrjen e subjekteve të interesuara. Marrin
përsipër gjithashtu sensibilizimin e opinionit publik për inkurajimin
dhe përfshirjen e popullsisë në të gjithë iniciativat e bashkëpunimit
të identifikuara here pas here, me qëllim përforcimin e marrëdhënieve
të komuniteteve te të dy Palëve.
Palët do të mund të promovojnë seminare tematike (ekspozita, panaire,
etj) për ndjekjen e objektivave të këtij protokolli, në të cilat do të
marrin pjesë përfaqësuesit përkatës politiko-institucional, duke i
dhënë këtyre evenimenteve jehonë të gjerë.
Pas nënshkrimit te marrëveshjes te dy përfaqësuesit e larte dhanë një
konference për shtyp në hollin e Këshillit të Qarkut Shkoder ku
theksuan forcimin e bashkëpunimit të mëtejshëm ndërmjet dy rajoneve.
Për nder të miqve në mbrëmje Kryetari i Këshillit të Qarkut organizoi
një darkë mirëseardhje.
Hyrje 
21°C 
Cross Border Institution Building
